ســؤز صــونغـاتــی

ر
(سیاسی دیالوگ نأدیپ آلنیپ باریلسا نتیجه لی بولار)

حأضیرکی چیلشیریملی سیاسی دؤورده، بیزینگ حالقیمیزا غارشی مکیرلی پلانلاری دوزیأن دوشمانلارا غارشی گؤرشمک سیاسی تایدان اؤرأن بای تجریبه و علمی آنالیز ادیجی آداملاری طالاپ ادیأر. یؤنه غینانساقدا بیزینگ سیاسی جمعیتیمیزده، سیاست عألمینده غالام بیلن گؤرشیأنلرینگ سانی آز ، اوسته سینه اولارینگ تجریبه لری اونچاقلی گویچلی بولمانسونگ، حاقیقی دوشمانا غارشی گؤنوکدیریلمی گویچ- غایرات، بیرک- بیرگه غارشی کینه دؤرتمأگه صرف ادیلیأر، بو بولسا آداملارینگ سؤزلری نینگ آزاشماغینا آلیپ گلیأن واقتی- دا آز بولمایار.ر

سیاست عألمینده گؤرشیأنلره، سیاسی واقعالارا علمی آنالیز بریأنلره "پولی تولوگ" دییلیأر. اولاریؤریته انیستیتوتدا یا- دا اونیورسیتتده بو باراداقی علمی درجه لرینی غازانیارلار. بو دییسنگ اؤرأن أهمیتلی علیم. هر اؤنگ یتن بو ایشه باش قوشوپ بیلمه یأر. بیزینگ آرامیزدا، عمومان سیاسی امگرانتلاریمیزینگ حاطاریندا غینانساغام بئیله عالیملیق درجه سینی غازانانا من-أ دووش گله موق. حالقمیزینگ دورموشینا دگیشلی سیاسی واقعالارا دولی و دوغری آنالیز برمکده اجیز گلیأن طاراپلاریمیز گؤزه ایلیپ دوور. دوشمانلاریمیز بولسا اینگ یؤنه کی مثاللاردان اولی پروپاگاندا ماقصاتلاری اوچین پئیدالانیپ، اؤز حالقی نینگ شهراتینی اؤسدورمأگه سینانشیارلار. تورکمنلرینگ یولا قویان اینترنت سایتلاریندا بولسا کؤپلنچ باشغا بیر سیاسی توپارلارینگ یا- دا خبر آگنتلیکلری نینگ یایرادان ماغلوماتلاری، آنالیز ادیلمزدن، یا- دا یوزله ی پیکیر یؤرتمک بیلن غایتادان یرلشدیریلیأر.ر

سیاسی آنالیز، یا- دا دیالوگ اؤرأن ساویق غانلی لیق، ثبوت ادیجی دلیللری بیان اتمک بیلن آلنیپ باریلمالی. غانی غیزغینلیق بیلن، دویغولارا چولاشیپ، آغزینگی کؤپرجکله دیپ،تهمت آتیجیلیق أهنگ بیلن چیقیش ادیپ، بیر یره باریپ بولماجاغی اؤز-اؤزیندن بللی بولسا گرک. (دلایل قوی باید و معنوی، نه رگهای گردن به حجت قوی) اساسان غارشی طاراپینگ پیکرینی قاوی دینگلأپ، اونگا حورمات قوییاندیغیمیز بیلن، ایلالاشمایان زاتلاریمیزی اورتا آتمالی. بولارینگ أهلیسی هممأمیزه آیدینگ بولسا گرک. یؤنه دورموشدا بو شئیله بولیارمی؟ کأبیر میثاللاری آلیپ گؤره یلینگ:ر
ایلدشیمیزینگ بیری، 1924- نجی یئلدا عثمان آخونینگ یولباشچیلیغینداقی گؤرشه "جمهوریت حرکتی دییمأن، ارضاشاه غارشی آیاغا غالما" دییپ، بو واقعانی حأصیتلندیریپ، بیر-ایکی ماقالا یازدی. تاریخچی حؤکمینده من اونونگ بو پیکری بیلن ایلالاشاموق، یؤنه من اونونگ اؤزی بیلن دأل- ده غارایشینی تانقیت ادیپ بیلرین، "بورنینگ غیشیق، گؤزینگ غیشیق" دییپ، اونونگ شاخصیتینی کمسیدمأگه آصلا حاقیم یوق. یؤنه چیگ سویت امن آدامزات کأماحال غیزماچلیق ادیأر. بو حأصیت مانگا- دا ماخصوص بولوپ بیلر، یؤنه باشارساق اوندان غاچا دورمالی.ر
یئنه بیر میثال: قولایدا بیر ایلدشیمیز- من اونونگ کیمدیگینی بیله موق، یؤنه تورکمندیر اؤیدیأن، باشدا دورلی آتلار بیلن وب- لاگ لاری یولا قویوپ، باشغا بیر اینترنت سایتلارینا غارشی گؤرشجگینی ایغلان ادیپ گلیأر. بو البته اونونگ اؤز بیلجک ایشی. باشغالارینگ شاخصیتینی کمسیدمأن، یرسیز- یره تهمت آتمان، سیاسی دیالوگی یولا قویوپ بیلر. یؤنه غینانساق- دا ایش بیر علمی- تانقیدی آنالیز یا- دا پیکیر چارپیشیغیندان حاص، شخصی مسئله لره گؤنوکدیریلیأر. یازیلیان زاتلاردا آداملارینگ مرتبه سی کمسیدیلیأر. اوسته سینه ماقالانی یازیانینگ و اونگا جوغاپ بریأنلرینگ حاقیقی آتلاری بللی بولمانسونگ، تهمت بازاری غاتی رواچلانیار. تورکمنلرده عجایپ بیر ناقیل بار: "دویأ مونوپ حاطابا بوقوپ بولماز= شتر سواری دولا- دولا نمیشه". حاوپسوزلیق یاغدایی آشا قورقونچ و گویچلی بولمادیق شرطلرینده ماقالانی یازیانلار و اونگا جوغاپ بریأنلر اؤز حاقیقی آتلاری بیلن چیقیش اتسه لر بیر توپار شک- شبهه لرینگ آرادان گؤتریلمگینه سبأپ بولاردی.ر

پیشک- ینگ، گویجوگینگ یا- دا اشه گینگ صوراتلارینی قویوپ، غارشیداشیمیزی اولارا منگزتمک بیلن آغیزآلالیق اودونی توتاشدیرماقدان هم- ده غانیم دوشمانلاریمیزا کمک اتمکدن باشغا نأمه غازانجاق!ر
کأشکی بولارینگ یرینه، بوسغونلیقدا یاشایان دولتلریمیزینگ اساسی قانونینی، حزبلری نینگ یاغدایئنی، اولارینگ نأدیپ اوستونلیک غازاناندیقلارینی، ملی مسئلأنی، بیرنأچه دیللی لیگی چؤزمکده غازانان تجریبه لرینی اؤوره نیپ، اونی ایلدشلریمیزه یتیرسک، اولی حیذمات اتدیگیمیز بولمازمی؟

ایندی شاخصی دورموشیمدان بیر میثال:ر

سونگقی گونلرده شو سطرینگ آوتورینا یرسیز یره هجوملر آرتیپ باشلادی، اولار منینگ پیکریم بیلن دأل، شاخصیتیمه غارشی تهمت آتیجی، ییگرنچ و پایئش سؤزلری آیدیارلار. نأمه میشین، حامانا پلان وب- لاگی یولا قویان من میشیم. "دیله گلدی بیله گلدی" دییلیشی یالی، منینگ هیچ حیلی وب- لاگیم یا- دا سایتیم یوق. منینگ ماقالالاریمی اوزال "تورکمنصحرا- اورگ"- دا ایندی بولسا "کانون فرهنگی- سیاسی خلق تورکمن" ینگ سایتیندان اوقاپ گلیأرسینگیز.ر
من 30 یئل چمه سی ایزی گیدرلی ماقالالار بیلن چیقیش ادیپ گلیأرین. ایندی 20 یئل چمه سی دینگه آقمئرات گورگنلی آدی بیلن یازیپ گلیأرین. موندان باشغا آت بیلن آصلا چیقیش اده موق. من بو آدا غاتی بویسانیارین. سبأبی آخمات آخوندوف گورگنلی، فاشیسمه غارشی گؤرشده وپات بولدی، بیرتوپار علمی ایشلر یازدی، من- ده شولار یالی عالیم بولماغی نیت ادینیأرین. شونگا گؤرأ بو آدا چأکسیز حورماتیم بار، اونگا غاتی بویسانیارین. من اؤز ماقالالاریمی نینگ یانیندا صوراتیمی هم ای- میل آدرسیمی- ده یرلشدیریأرین. هیچکیمدن- ده قورقیم یوق. بلکی- ده بولار منینگ یازیش استیلیمه بلد دألدیرلر. منینگ گویجومی- قوواتمی حایسی اوغرا صرف ادیأنیمدن خبرسیز بولسالار گرک. شول سبأپدن اگر- ده شئیله هجوملر بللی ماقصاتلار اوچین ادیلمه یأن بولسا، اونونگ ساویلیپ گچجکدیگینه اینانیارین. پردأنینگ سیریلیپ، حاقیقات نوری نینگ یاغتی سالجاغینا دولی اینانیارین.ر

بیزینگ کأبیریمیزینگ دوشن یاغدایی شو مثالی یادینگا سالیار:ر

دوزاخدا گنأکأر بنده لری اولی بیر غازاندا یاقیارلار- دییأر. هر غازانینگ باشیندا الی نایزالی غاراویل، غاچیپ آتماغا سیناشیارلاری دورتوپ، غازانا آتیار- دییأر. همه غازانلارینگ یانینداقی غاراویللار آیاق اوستونده دوروپ، دینگه تورکمن غازانی نینگ غاراویلی کؤلگه ده اووقلاپ یاتیر- دییأر. اونگا: "سن نأمه بئیله بوش- بیکار یاتیرسینگ، بلکی تورکمنلر غازاندان غاچیپ گیدسینلر" دییأرلر. اوندا غاراویل: "بای- بوی، غاچماق نیرده، غایتام غاچیپ چیقماغا سینانشیانلاری، بئیله کیلر آیاقلاریندان آسلیشپ، اؤزلری بیلن باشلاریناغای، منینگ غاراویللیق اتمگیمه گرک یوق" دییأر.ر
شونگا گؤرأ ایلدشلر! غایرات ادیلینگ، "ایل گویجی، سیل گویجی"، "آغزی بیره تانگری بییر، آغزی آلانی غانگری بییر" دیین فهمه قوللوق ادیلینگ.ر

آقمیرات گورگنلی
ژوئن 2008