گرجستان؛

اوسته یا، آبخازیا و آجارستان

(عمومی ماغلومات و بیلگی اوچین)

گرجستانینگ اۆچ سانی پرابلئماسی بار بولان رگینونیندا موندان اوزالام ماحال- ماحال چاقناشیقلارا شایات بولونیپدی. اولاردان گونورتا آسته یا بیلن آبخازیا 90- نجی یئللاردان بأری، دورموش یۆزونده اؤز-ارکین یاشاپ گلیأرلر و بئیله یاغدایی دوام اتدیرمأگه- ده برک آیاق دیره یأرلر. اولارینگ غاراشیزلیغینی دینگه اورسیت ایقرار اتدی. آغلابا یاشایجیلاری مسلمانلاردان دوریان آجارستان بولسا، کؤپ سانلی آدم پیداسیندان سونگرا، گچن دؤرت یئلدان بأری تفلیس ینگ کانتروللیغینا گچدی. 2004- نجی یئلدا حأکمیت باشینا گچن میخایئل ساکاشویلی بولسا، آبخازیا و گونورتا اوسته یانی تفلیس ینگ کانترولینا گچیرجگینه سؤز بریپ گلیأر. مونگا غارشیلیق گؤرکزیپ گلیأن آبخازیا و گ. اوسته یا، ائلایتا- دا شو یئل کوسووا غاراشیزلیغینی جار ادندن سونگرا، اؤزلری نینگ ایغلان ادن غاراشسیزلیغی نینگ حالقارا درجه سینده ایقرار ادیلمگی اوغروندا آیاق دیره یأرلر. اۆسته سینه ناتو یارانلیغی نینگ، گرجستانی اؤز حاطارینا آلجاغینی آیداندان سونگرا، اورسیت بو مسئلأ برک نأگیله لیک گؤرکزیپ گلیأر.ر

گۆنورتا اوسته یا

رگیونینگ 70 مونگ ایلاتی نینگ 3- ده ایکی بؤله گیندن کؤپوسی گرجی بولمادیق، اوست لردن، غالانی بولسا گرجی لردن عبارت. اولار، اورسیت توپراغیندا غالان دمیرغازیق اوست لر بیلن قوومداش، بیر حالق. توپراق بیته وولیگینی ایسته یأن اوست لر 1989- نجی یئلدان بأری گرجستاندان آیئریلماق اوچین سؤوشیپ گلیأرلر. 1992- نجی یئلئنگ یازیندا گرجستان بیلن اوسته یا آراسیندا آتیشیقلاری یاتیرماق باراسیندا بیر ائلالاشیغا قول چکیلدی، یؤنه شونگا چنلی یوزلرچه آدم بو اورشونگ پیداسی بولدی. گلنن ائلالاشیق اساسیندا رگیونده پاراحاتچیلیغی قورایان گویچلرینگ یرلشدیریلمگی بارادا بیرلشن ملتلر قوراماسی قرار قبول اتدی و شول گویچلرینگ حاطاریندا روس حاربیلاری- دا قوللوق ادیأر. شوندان بأری غاراشسیز بولوپ گلیأن بو یرده اورسیت ینگ تأثیری دورا- بارا آرتیپ اوغرادی. شو یئللارینگ دوامیندا اورسیت ینگ بو حالقینگ کؤپوسینه روس پاسپورتینی برندیگینی- ده گرجستان اؤنگه سوریأر. 2006- نجی نویابر آیئندا اوست لر غاراشسیزلیق باراداقی رفروندومی قولداپ سس بردیلر. گرجستان بولسا رفرندومینگ نتیجه سینی اقرار اتمه دی.ر

آبخازیا

آبخازیا گورجیستانینگ دمیزغازیق- گونباتاریندا، غارادنگیز کناریندا یرلشیأن بو رگیونینگ تاقمین 200 مونگ ایلاتی بار. ساویت سایوزی دؤورینده اول روس لیدرلری نینگ دینچ آلیش یریدی. ساویت سایوزی دارغاندان سونگرا، گونورتا اوسته یا یالی، آبخازیادا گرجستانینگ حأکمیتینی رد ادیپ، تفلیسه غارشی آیاق دیره دی. 93-92- نجی یئللارینداقی سؤوشلرده تاقمین 10 مونگ آدم اؤلدی، 250 چمه سی بولسا اؤی- اؤوزارلارینی ترک ادمأگه مجبور بولدی. دینگه گرجی حاربیلاری نینگ اوزاقلاشدیریلماغی بیلن آبخازیا حأضیر غاراشسیز بولوپ یاشایار. 1999- نجی یئلدا رسمی تایدان غاراشسیزلیغینی جار ادن آبخازیا، اؤز ملی بایداغینی، پولونی و داشاری ایشلر منیسترلیگینی دؤره دن بولسا- دا اول حالقارا طاراپیندان اقرار ادیلمأن گلیأر. روسلار بیلن گینگ مؤچبرده اقتصادی و سؤودا غاتاشیغینی آلیپ باریان آبخازلارینگ کؤپوسینده روس پاسپورتی بار. گرجی طاراپی بو پاسپورتلارینگ کؤپوسینی نینگ سونگقی 10 یئلدا بریلندیگینی آیدیار. اۆسته سینه بو یرده پاراحاتچیلیغی قورایان یوزلرچه روس عسگری بار. کوسووا غاراشسیزلیغینی جار ادندن سونگرا حرکته گچن اورسیت، مارت آیئندا آبخازیا بیلن آراسینداقی سؤدا آراچأگینی- ده دولی آچدی.ر

آجارستان

تورکیه بیلن سرحددش آجارستان- دا انچمه یئلدان بأری، تفلیس حأکمیتیندن آیریلیپ، اؤزباشینا یاشاپ گلیأردی، یؤنه ساکاشویلی حکومت باشینا گچندن سونگ، آجارستان تفلیسه بیریکدیریلدی. آجارستان، گرجستاندان آیئریلماق ایسله مه یأندیگینی آیدیپ گلیأر. آجارستانینگ ایلاتی گرجیلردن دوریار. ساویت سایوزی دؤورینده- ده آجارستان آوتونوم (خودمختار) استاتوسا ایه دی. سبأبی آجارلارینگ کؤپوسی مسلمان. آجارستان باشدا ساکاشویلی نینگ حأکمیتینی قبول اتمه دی، آجار لیدری آباشیدزه بولسا اونگا آپپازیسیادا دوردی. یؤنه آجارستانینگ پایتختی باتومی دا، اونگا غارشی دمونستراتسارلار گچیریلندن سونگ، ساکاشویلی طاراپدارلاری سیاسی حرکتلر گویچلندی.ر

(خبر چشمه: بی بی سی نینگ تورکچه انترنت سایتی)
کانون- ینگ خبر بؤلومی