دورمــوشدان ساپاق!ر

ر

غادیم اییأمده شئیله بیردأپ- دوزگـۆن بولوپدیر. حاچان- دا غالتامانلار بیر اوبا چوزجاق بولانلاریندا ایلکی بیلن ایچالی ایبریپ، شول اوبانینگ تامدیرینی سانادر اکنلر. اگر تامدیرینگ سانی آز، بیر یا ایکی بولسا اول اوبانینگ قولایئندان باریپ بیلمأندیرلر، اگر- ده اوبادا تامدیر کؤپ بولسا، حایال ادمأن اول اوبا چوزار اکنلر.ر
مونینگ سبأبی نأمه دییپ، آتامدان سورامدا، "ایلینگ آغزی نینگ بیر بولماغیندا عیاللارینگ رولی غاتی گویچلی بولوپدیر، اولار بیر ماشغالا یالی بولوپ، بیر تامدیرا نان یاپـیـپدیرلار، شئیدیپ هم اوبا حالقینی نینگ آغیزلاری نینگ بیر بولماغـینی غازانیپدیرلار" دیـیپ گوررینگ بره ردی.ر
بو گون- م بیزینگ دورموشیمیزدا، جمعیتینگ یاریسینی عمله گتریأن زنانلارینگ رولی دیسنگ أهمیتلی. اگر انه لر اؤیلرده بالالارینی تورکمن روحی بیلن اؤسدوریپ یتشدیرسه لر، دوشمانینگ آلجاق غالاسی بولماز. اگر- ده حاطلی- سوادلی انه لریمیز، چاغالارینا تورکمن حالق ارته کیلرینی، بایلارینی آیدیپ برسه لر، بالالاریمیزینگ دۆنیأسی باشغاچاراق بولوپ، اؤزلری نینگ کیمدیکلرینی، حایسی ملتدن دیگینی ترو باشدان آنگیپ اوغرارلار.ر
اگر انه لر، بأبکلرینی غادیمدان آیدیلیپ گلیأن حوودی لر بیلن سؤیسه لر، اؤیلرده نه عجایپ تورکمن هنگلری سایرار و چاغاجیقلاریمیزینگ اؤز آتا- بابا یولوندان گیتمگینه اساس دؤره دیپ بیلرلر.ر
اگر اؤیلرده تورکمن دیلینده گپلنسه، تورکمن آیدیم- سازی یانگلانسا.... بالالاریمیز اؤز گلجگینه ایناملی قدم اوروپ بیلرلر.ر
شونگا گؤرأ انه لرینگ حأضیرکی شرطـده رولی نینگ اولودیغینا یئنه بیر گزک گؤز یتریأرسینگ.ر

Enedir ene

Taryh sahypasyn açamda gördüm,
Aýallar bäsleşip bilmändir äre.
Ýöne şol ärleri dünýä getiren,
Dünýä görk beren, Enedir ene.

Dünýämde açylan, täze dünýämde,
Bu gün goşandyny goşup ýör ene,
Adamzadyñ bütin ömrün synlasañ,
Şol ömrüñ gözbaşy, Enedir ene.

Ozalam, häzirem, onsuz ýaşalmaz,
Geler, geçer, dörür aý, ýyllar, sene,
Adam, adam bilen dogandyr, dostdyr
Şonam nygtap ýören, Enedir ene.

Zyndana oklanyp ejiz düşenler,
Boýalyp ýatsa-da gyrmyzy gana,
Azatlyk isleýär adam balasy,
Tümlügi ret eden, Enedir ene.

Öñde, soñda tagzym etseñ ýaraşar,
Rastdyr, diseler «meñzeýär güne»
Elbetde bu dünýäniñ ýagty çyragy,
Ähli gözelligi, Enedir ene

Akjemal Omarowa
Aşgabat. 1989