Baýram şahyr[1]

v

Näbilsin

Batyr bolup duşman üstüne çozmayan,
Bedöw besläp toý-meýlisi gezmeýän,
Ylym alyp, okap, ýazyp bilmeýän,
Ýüz manyny, söz gadryn näbilsin.

Öýünde ýeke, märekesin gurmadyk,
Akyl tapyp, ile gürrüñ bermedik,
Ýary aýrylyp, ýalñyzlygy görmedik,
Gelin bilen gyz gadryn näbilsin.

Her kimde akyl käse dolmasa,
Dost-duşmanyñ tapawudyn bilmese,
Ýesir düşüp, aç-horlugy görmese,
Aş tagamyny, duwz gadryn näbilsin.

Baýram şahyr indi bilip men özüm,
Dünýäni gezip kän zatlary görendir gözüm,
Bilbil dek saýrasañ diñlemez sözüm,
Sähne[2] adam, saz gadryn näbilsin.

[1] 20-njy asryñ başlarynda Balkan sebtine yaşap öten şahyr
[2] Gepe düşünmeýän