گونئی آذربایجان دئموکرات پارتیسی نین،

ه

1388(2009)- جی ایلی نین گونئی آذربایجان

ه

دؤولتچیلیک گونو ایله باغلی بیانیییه سی

قهرمان آذربايجان ميلتی!

64 ايل بوندان اؤنجه " آذربايجان دموکرات فيرقه سی نين گؤروی، آذربايجانين ميللی آزادليغيدير. " سيلوقانی ايله بيرلشن ميلتيميز، شووئنيزمين ايستعمار و سيتمينه " داها يئتر " دئيه رک موباريزه يه باشلادی. بویوک اؤندر سيد جعفر پيشوری رهبرليگی آلتيندا، آذربايجان ميلتی نين اؤز موقددراتينی اؤزو بليرله مک آماجی ايله باشلانان ميللی قورتولوش موجاديله ميز سونوجوندا، تاريخيميزين ان ديرلی اولايی گرچکلشدی و ميللی دؤولتيميز قورولدو. 1324-جو ايلين آذر آيی نين 21-ی (12 دئکابر 1945) گونئی آذربايجان دؤولتچيليک گونو کيمی تاريخده ثبت اولاراق، ميلتيميز باشقا ميلتين بويوندوروغو آلتيندا اسارتده قالماقلا، اؤزگور ياشاماغين فرقينه واراراق، اونودولماز بير تجروبه قازانميش اولدو. نييه کی ميللی حؤکومتيميز، آز سورجينده، آزادليق و دئموکراسينی برپا ائتمکده بؤلگه ده ايندييه دک تکرارلانمايان بير چاليشما سرگيله دی. آذربايجانين قادينی، اکينچيسيی ايشچيسی، سرمايداری اؤز حاقلارينی قازاناراق، کوتله ريفاهيدا بؤيوک بير قالخينما ياشاندی. آذربايجان تورکجه سی دؤولتين رسمی ديلی سئچيلدی، ميلتيميز اؤز آنا ديلينده تحصيل آلماغا باشلادی، تبريز يونيورسيته سی تاسيس ائديلدی و اينشااتدا تايسيز ايشلر ياپيلدی. بئله کی طرفسيز شاهيدلرين دئديگينه گؤره بير ايلده ميللی حؤکومتين دؤورونده گؤرولن ايشلر ، 20 ايل ريضا پهلوی نين دؤورونده گؤرولن ايشلردن قات-قات آرتيق ايدی.

دیرلی آذربايجان ميللت­چي­لری!

آذربايجان دموکرات فيرقه­سي­نين باشلاديغی ميللی موباريزه و بو موباريزه ده اوغورلا ميللی حؤکومتيميزين قورولوشونا ارمه سی نين تک رمزی تبريز مرکزلی مفکوره سی اولموشدور. و نه يازيق کی بير ايلليک حؤکومت دؤورونده زامان زامان بو مفکوره دن اوزاقلاشماسی نهايتده شووئنيزمه آلداناراق يئنيلمه سينه سبب اولموشدور. اؤنمليسيی بوردادير کی بو گون ميللی حرکاتيميز عئينی تهلوکه ايله قارشی-قارشييادير و گتديکجه ايران آدلانان اؤلکه نين ايچينده بعضی حرکاتين گوندمه گلمه سينه قارشين بير سيرا تانينميش ايرانچی قوووه لر وريندن او حرکتلره چکيلمه، و بير داها باشقا ميلتلره کؤله اولماق تهديدی ايله باش-باشاييق.

گونئی آذربايجان دموکرات پارتيسی آدينا گونئی آذربايجان دؤولتچيليک گونونو قوتلاياراق بيلديريريک کيی گونئی آذربايجان منفعتلرينی قوروماق و ميلتيميزين اؤز موقددراتينی بليرله مه دوغرولتوسوندا هر زامان فداکارليقلا چاليشجاييق. دولاييسييلا آذربايجانچی قوروم و اؤرگوتلری ميللی حرکاتيميزين تمه لی اولان گونئی آذربايجان مرکزلی دوشونجه سيستئمی نين قورونماسيندا آييق و ديقتلی اولماغا چاغيراراق، بویوک اؤندر س.ج. پيشه وري­نين تاپشيريغينی بير داها تکرارلاييريق:

" شرفلی آذربايجان اولادلاری! آذربايجانين آزادليغی و حاقلارينی الده ائتمک اوچون بيرلشين."

گونئی آذربایجان دئموکرات پارتیسی

آذر1388 – دئکابر 2009